Bıyl elimizde 209 myń avtokólik jasalady

ASTANA. KAZINFORM – Otandyq avtokólik óndirisi qarqyndy damyp keledi. Bul jóninde «Qazaqstannyń avtokólik odaǵy» ZTB prezıdenti Anar Maqasheva málimdedi. 

— 2025 jyldyń qorytyndysy boıynsha, elimizde 171 442 avtokólik óndirildi. Olardyń arasynda jeńil kólikter, júk kólikteri jáne avtobýstar da bar. Bul kórsetkish jyldan jylǵa qaryshtap ósip jatyr. Máselen, 2025 jyly 2024 jylǵa qaraǵanda 26 myń dana mashına artyq jasaldy. Al 2026 jyly Qazaqstanda 209 myńnan astam avtokólik óndiriledi dep boljaımyz, — dedi ol.

Anar Maqashevanyń sózinshe, qazir elimizde avtokólik shyǵaratyn 11 zaýyt jumys istep tur. Sonymen qatar, bul salada taǵy bir kásiporyn ashylmaq.

— Avtokólik jasaıtyn zaýyttarda 2024 jyly 6 875 adam jumys istegen. Al 2025 jyly 11 169 jumysshy tirkelip, bul kórsetkish nebári bir jylda 62%-ǵa artty. Demek, avtokólik óndirisiniń ónimderi ǵana emes, halyqty jumys qamtý deńgeıi de ósip keledi, — deıdi Anar Maqasheva.

Aıta keteıik, buǵan deıin aldaǵy úsh jylda elde avtokólik bólshekterin shyǵaratyn nysandar ashylatyny jóninde jazǵanbyz.