Bıyl elimizde 100 bazar jańartylady

ASTANA. KAZINFORM – Qazaqstanda bazarlardy jańǵyrtý jumysy bastaldy. Bul týraly Saýda jáne ıntegratsııa mınıstrligi saýda komıtetiniń tóraǵasy Aıdar Ábildabekov málim etti.

- 2025 jylǵa 100 bazardy jańǵyrtý josparlanyp otyr. Jol kartasyna sáıkes bazarlardy jańǵyrtý boıynsha qurylys jumystary júrip jatyr, ıaǵnı eskızdik jobalar men jobalaý-smetalyq qujattar ázirlenip jatyr. Qajetti qujattar kelisilip, bekitilýde, topotúsirilim júrgizilip jatyr, sondaı-aq aýmaqtardy qorshaý, qoıma úı-jaılaryn buzý jáne taǵy basqa jumystar istelip jatyr. Saýda bazarlarynyń jaı-kúıin baǵalaý úshin mınıstrlik ókilderi aqpan, naýryz jáne sáýir aıynda bazarlardy aralaıdy. Sapar barysynda barlyq óńirdiń bazarlaryna egjeı-tegjeı túgendeý jumysy júrgiziledi, - dedi Aıdar Ábildabekov Ortalyq kommýnıkatsııalar qyzmeti alańynda ótken baspasóz máslıhatynda. 

Onyń aıtýynsha, bazarlardy jańǵyrtý jumystary jergilikti ákimdiktermen, Memlekettik kirister komıteti, tótenshe jaǵdaılar qyzmeti, Memlekettik sáýlet-qurylys baqylaý basqarmasy jáne sanepıdemıologııalyq qyzmet ókilderimen birlesip júrgiziledi. 

Jańǵyrtýǵa jatatyn bazarlar: 

Astana qalasy – 7 bazar; 
Almaty qalasy – 10 bazar;
Abaı oblysy – 3 bazar;
Aqmola oblysy – 1 bazar;
Aqtóbe oblysy – 2 bazar;
Almaty oblysy – 11 bazar;
Atyraý oblysy – 4 bazar;
ShQO - 3 bazar;
Jambyl oblysy – 3 bazar;
Jetisý oblysy – 6 bazar;
BQO – 14 bazar;
Qaraǵandy oblysy – 5 bazar;
Qostanaı oblysy – 4 bazar;
Qyzylorda oblysy – 4 bazar;
Mańǵystaý oblysy - 5 bazar;
Pavlodar oblysy – 8 bazar;
Túrkistan oblysy – 8 bazar;
Ulytaý oblysy – 2 bazar.

Jyl basynda elimizde bazarlar men dúkender qyzmeti tsıfrlandyrylatyny týraly habarlaǵan edik.