Bıyl bazalyq medıtsınalyq kómektiń biryńǵaı paketi qalyptastyrylady
ASTANA. KAZINFORM — Bıyl bazalyq medıtsınalyq kómektiń biryńǵaı paketi qalyptastyrylady. Bul týraly búgin Úkimet otyrysynda Premer-Mınıstr Oljas Bektenov aıtty.
«Memleket basshysy mindetti medıtsınalyq áleýmettik saqtandyrýǵa baǵyttalǵan qarajatty jumsaý tıimdiligine erekshe nazar aýdardy. Sondyqtan osy mindetti oryndaý úshin Densaýlyq saqtaý mınıstrligi jyl sońyna deıin bazalyq medıtsınalyq kómektiń biryńǵaı paketin qalyptastyrý jumysyn aıaqtasyn. Densaýlyq saqtaý mınıstrligi tıisti zańnamalyq túzetýler engizip, olardyń jyl sońyna deıin qabyldanýyn qamtamasyz etýi kerek», - dedi Oljas Bektenov.
Budan basqa, Úkimet basshysy Densaýlyq saqtaý jáne Tsıfrlandyrý mınıstrlikteri biryńǵaı medıtsınalyq aqparattyq júıeniń qurylýyn qamtamasyz etýi tıistigin basa aıtty.
«Densaýlyq saqtaý jáne bilim berý salasyna jeke ınvestıtsııalar tartý úshin Ulttyq ekonomıka mınıstrligi Densaýlyq saqtaý, Oqý-aǵartý, Joǵary bilim mınıstrlikterimen birlesip, osy jyldyń sońyna deıin memlekettik-jekeshelik áriptestik tetigin paıdalaný jónindegi qaǵıdalardyń jobasyn ázirlesin», - dedi Premer-Mınıstr.
