Bıyl aıaqtalǵan qylmystyq isterdiń 90%-dan astamy elektrondy formatta júrgizilgen – QR ІІM

Polisia.kz taratqan málimetterge qaraǵanda, bıyl qylmystyq protsesti tsıfrlandyrýǵa erekshe kóńil bólinedi. Búginde polıtsııanyń tergeýshileri men anyqtaýshylary barlyq memlekettik derekter bazasyna qosylatyn qajetti qural-jabdyqtarmen 100% qamtamasyz etilgen.

Bul ártúrli suranystardy alý ýaqytyn aıtarlyqtaı qysqartty. Bıyl aıaqtalǵan qylmystyq isterdiń 90%-dan astamy elektrondy formatta júrgizildi. Qylmystyq protsesti jetildirý boıynsha zańnamalyq qamtamasyz etý jumystary jalǵasyp jatyr. Osy jyldyń 19 mamyrynda Qylmystyq-protsestik kodekske qylmystyq sot isin júrgizý salasyndaǵy adam quqyqtary týraly túzetýler kúshine endi. Onda tergeýshiniń qysqasha hattama jasaý jáne beıneformatta tergeý júrgizý quqyǵyn kózdeıtin ózgerister engizildi. Norma azamattardyń konstıtýtsııalyq quqyqtaryn qorǵaý deńgeıin arttyrýǵa jáne tergeý áreketterin júrgizý ýaqytyn qysqartýǵa baǵyttalǵan.

Bıyl jańa beıneformatta 19 myńnan astam tergeý áreketteri júrgizildi. Jalpy qabyldanǵan sharalar sotqa deıingi tergeý nátıjelerin jaqsartýǵa múmkindik berdi.

Atap aıtqanda qylmystyq isterdi tergeý sapasy 30%-ǵa artyp, azamattardyń, onyń ishinde sot úkimi shyqqan adamdardyń konstıtýtsııalyq quqyqtarynyń buzylýy 52%-ǵa qysqardy, tergeý merzimderin saqtaý 30%-ǵa jaqsardy.