Bıyl Atyraýdan Reseı shekarasyna deıin qatynaıtyn joldy jańǵyrtý aıaqtalady

ATYRAÝ. KAZINFORM – Bıyl Atyraýdan Reseı Federatsııasynyń shekarasyna deıin qatynaıtyn joldy jańǵyrtý jobasyn aıaqtaý kózdelip otyr. 

Kólik mınıstri Marat Qarabaevtyń málimetinshe, qazir atalǵan baǵyttaǵy jolmen táýligine 5 myńǵa jýyq avtokólik ótedi. Jol paıdalanýǵa berilgennen keıin kólik aǵyny 75%-ǵa artady.

«Bıyl Atyraý qalasynan Reseı Federatsııasyndaǵy Astrahan óńirimen shekaraǵa deıin qatynaıtyn joldy jańǵyrtý jobasy aıaqtalady. Qaıta qurý jumystarymen qamtylǵan joldyń jalpy uzyndyǵy 212 shaqyrymdy quraıdy. Qazir merdigerler asfalttyń sońǵy joǵarǵy qabatyn tósep jatyr. Jol qurylysyna 612 maman men 408 arnaıy tehnıka jumyldyryldy», - dedi Marat Qarabaev.

Mınıstrdiń deregine qaraǵanda, atalǵan joldy jańǵyrtý jobasy aıaqtalǵan soń kólikpen júrip ótý ýaqyty 2,5-3 saǵatqa deıin qysqarady. 

Bul joldy qaıta jańartý jumystary 2019 jyly bastalǵan. 2021 jyly Qurmanǵazy aýdanynyń ortalyǵynan Reseı Federatsııasynyń shekarasyna deıingi 60 shaqyrym joldy jóndeý aıaqtalǵan. Al 2020 jyldan beri Qurmanǵazy aýylynan Atyraý qalasyna deıingi 217 shaqyrym jol bóligin jóndeý jumysy jalǵasyp keledi.

Eske sala ketelik, budan buryn Atyraýda júk vagondaryn shyǵaratyn zaýyt iske qosylǵanyn jazǵan edik.