Almatyǵa bıyl 400 myńnan astam sheteldik týrıst keldi

Toǵyz aıdyń qorytyndysy boıynsha Almatyǵa kelgen týrıster sany 17,5%-ǵa ósip, 1,5 mln adamnan asty. Bul týraly óńirlik kommýnıkatsııalar qyzmetiniń brıfınginde Almaty qalasy ákiminiń orynbasary Álisher Ábdiqadyrov aıtty, dep habarlaıdy Kazinform.

Spıkerdiń sózinshe, megapolıske kelgen sheteldik týrısterdiń sany 51,5% - ǵa ósip, shamamen 410 myń adamdy qurady.

«Almaty - Qazaqstanǵa keletin árbir ekinshi sheteldik týrıst úshin tartymdy qala. Bul rette nomınaldy mándegi ınvestıtsııalar kólemi 25,2% - ǵa nemese 66,9 mlrd teńgege deıin ulǵaıdy. Sondaı-aq, ishki týrısterdiń sany 8,4% - ǵa nemese 1 mln 104 myń 600 adamǵa deıin ulǵaıýy baıqalady», - dedi Álisher Ábdiqadyrov.

Ol týrısterdiń kóptep kelýi týrıstik aımaqtardyń ashylýyna yqpal etetinin jetkizdi.

«Jyl basynan beri 16 glempıngke arnalǵan eko-qonaq úı jáne 112 bólmeli qonaq úı ashyldy. 847 nómirge eseptelgen 5 nysannyń qurylysy júrip jatyr, sondaı-aq, 1420 nómirden turatyn 10 nysannyń jobasy jasalyp jatyr», - dedi spıker.

Aıta keteıik, bıyl Almatyǵa keletin týrıster sany 2 mln adamǵa deıin, onyń ishinde sheteldik týrıster sanynyń 500 myń adamǵa deıin ósedi dep kútiledi.