Bıyl Almatyda 500-ge jýyq «aqyldy» baǵdarsham iske qosylady

ALMATY. KAZINFORM — Almatyda bıyl jol qozǵalysyn basqarýdyń avtomattandyrylǵan júıesi (JQBJ) jobasyn iske asyrý jalǵasady. Kóshelerdiń ótkizý qabiletin arttyrý maqsatynda júıege qalanyń barlyq baǵdarshamy qosylady. 

Almaty qalalyq mobıldilik basqarmasynyń málimetinshe, jobanyń birinshi kezeńi 2021 jyly bastaldy. Sonyń aıasynda 93 baǵdarsham iske qosylǵan bolatyn. Bıyl 498 baǵdarsham nysandaryn jańǵyrtý josparda. Jumys jyl sońyna deıin aıaqtalady.

«Sonyń nátıjesinde baǵyttar boıynsha naqty qozǵalys qarqynyn eskere otyryp, naqty ýaqyt rejıminde qıylystardaǵy jol qozǵalysyn retteý qamtamasyz etiledi. ıAǵnı, sensorlar men kameralar kelesi qıylysqa kóliktiń naqty sanyn jiberedi. Tıisinshe, keri sanaq taqtasy adaptıvti rejımde jumys isteıdi», - dep habarlady basqarmadan.