Bıyl «Aqsaı» sý jınaǵyshtyń qurylysy aıaqtalady
ALMATY. KAZINFORM — 2025 jyldyń qarasha aıynda táýligine 22 myń tekshe metr sý ótkizetin «Aqsaı» sý jınaǵyshtyń qurylysyn aıaqtaý josparlanyp otyr. Bul týraly Almaty qalasy ákimdiginiń baspasóz qyzmeti habarlady.
Bul nysan Naýryzbaı jáne Qarasaı aýdandarynyń 100 myń turǵynyn sýmen qamtamasyz etedi.
Qazirgi ýaqytta qurylys 80%-ǵa aıaqtalǵan. Sý jınaǵysh nysanyna deıin uzyndyǵy 9 shaqyrym bolatyn avtomobıl joly men 5 kópir salý, sondaı-aq súzgi stantsııasynyń iske qosý-jóndeý jumystary qaldy.
Sonymen qatar, bıylǵy jyldyń naýryz aıynda uzyndyǵy 34 shaqyrym bolatyn batys káriz kollektorynyń qurylysy bastaldy. Bul joba 2026 jyldyń sońyna deıin aıaqtalady.
Injenerlik jelilerdi jańǵyrtý aıasynda 2025 jylǵa qaraı sý qubyry jelileriniń tozýy 52,9%-ǵa, sý burý jelileriniń tozýy 53,9%-ǵa, al elektrmen jabdyqtaý júıeleriniń tozýy 63,3%-ǵa deıin tómendeıdi.
Aıta ketelik Almatydaǵy Qarǵaly ózeniniń arnasy 2026 jylǵa deıin qaıta jóndeledi.