Bıyl 7 aıda Qazaqstan qansha kómir eksporttady

ASTANA. KAZINFORM — Bıylǵy 7 aıda elde 62 mln tonnaǵa jýyq kómir óndirildi. Bul týraly QR Energetıka mınıstri Erlan Aqkenjenov málim etti.

- Kómir óndirýshi kásiporyndar bıylǵy 7 aıda 61,4 mln tonna kómir óndirdi, onyń ishinde kommýnaldyq-turmystyq qajettilikterge jáne halyqqa 2,2 mln tonna, energetıkalyq keshenderge 37,4 mln tonna, ónerkásiptik kásiporyndarǵa 1,6 mln tonna, eksportqa 18,2 mln tonna jóneltildi, - dedi E. Aqkenjenov Úkimet otyrysynda.

Sonymen qatar ol barlyq óńirde aldaǵy jylytý maýsymyna daıyndyq jumystary jalǵasyp jatqany týraly aıtty.

- Kómirmen qamtamasyz etý máselesine toqtalsaq, naqty oryndaý merzimderin kórsete otyryp, halyq pen bıýdjettik uıymdardyń kómirge qajettiligin qalyptastyrý jónindegi jospar ákimdikterge oryndaýǵa berildi. Máselen, aldaǵy jylytý maýsymyna kómir ónimine qajettilik shamamen 7,7 mln tonnany quraıdy. Qazir 2,2 mln tonna jetkizildi, bul jyldyq jospardyń 29 paıyzy, - dedi mınıstr.

Budan buryn habarlanǵandaı, Úkimette jylý berý maýsymyna daıyndyǵy tómen óńirler ataldy.