Bıyl 580 myń tonnaǵa jýyq erte pisetin kókónis jınalady - AShM

ASTANA. KAZINFORM – Bıyl egin jınaýǵa deıingi maýsymaralyq kezeńde kókóniske ishki naryqtyń qajettiligi tolyq qamtamasyz etiledi. Bul týraly Úkimet otyrysynda Aýyl sharýashylyǵy mınıstri Aıdarbek Saparov aıtty.

— Kúzdik daqyldarǵa keletin bolsaq, 2025 jyldyń eginine kúzdik dándi daqyldar 405,7 myń ga alańǵa egildi. Olardyń 74%-y jaqsy, al 23%-y qanaǵattanarlyq jaǵdaıda. Sonymen qatar, ońtústik óńirlerde erte kókónisterdi jınaý jumystary bastaldy. Túrkistan oblysynda 1,2 myń gektar alańnan 38,3 myń tonna qyryqqabat jınaldy, — dedi ol kóktemgi dala jumystary jaıly baıandamasynda.

Sondaı-aq mınıstr bıyl qansha tonna erte pisetin kókónis alý josparlanyp otyrǵanyn aıtty.

— Jalpy, bıyl 580 myń tonnaǵa jýyq erte pisetin kókónis jınaý josparlanyp otyr, bul jańa egin jınaýǵa deıingi maýsymaralyq kezeńde ishki naryqtyń qajettiligin tolyq qamtamasyz etýge múmkindik beredi, - dedi Aıdarbek Saparov.

Osyǵan deıin elimizde egis alqabynyń jalpy kólemi 23,7 mln gektarǵa jetkeni týraly jazdyq.