Bıyl 118 qarý men 15 granata tárkilendi - UQK

ASTANA. KAZINFORM – Jyl basynan beri Ulttyq qaýipsizdik komıteti polıtsııa organdarymen birlesip jáne prokýratýranyń úılestirýimen Qazaqstan óńirlerinde qarýdyń zańsyz aınalymynyń jolyn kesý boıynsha birqatar jedel-izdestirý is-sharalaryn júrgizdi.

UQK málimetinshe, nátıjesinde 118 qarý tárkilendi. Onyń ishinde 6 «Kalashnıkov» avtomaty, 83 myltyq, 29 tapansha bar. Sondaı-aq 15 granata men 859 oq-dári alynǵan.

- Atalǵan faktiler boıynsha jedel-tergeý is-sharalary júrgizilip jatyr.

Qylmystyq-protsestik kodekstiń 201-babyna sáıkes ózge aqparat jarııa etýge jatpaıdy, - delingen aqparatta.

Vedomstvo bul baǵyttaǵy jumystyń jalǵasatynyn atap ótti.

Aıta keteıik, shekarada qarý-jaraq, janarmaı jáne valıýta kontrabandasy áshkerelendi.