Bıyl 1 qyrkúıekte Almatyda qansha mektep ashylady

ALMATY. KAZINFORM — Qazirgi tańda Almaty qalasyda 20 «jaıly mekteptiń» qurylysy júrip jatyr.

Kazinform saýalyna jaýap bergen qalalyq Bilim basqarmasynyń derekterine sáıkes, bıyl qyrkúıektiń alǵashqy kúni megapolıste 15 mektep ashylady. Bul bilim ordalarynyń ekeýi Almaty qalasy ákimdiginiń tapsyrysy boıynsha, al qalǵany «Jaıly mektep» jobasy aıasynda ashylady.

— Jańa mektepter salynyp bolǵan soń, oqýshy oryndarynyń sany boıynsha mamandar bekitiledi. Muǵalim jáne ózge qyzmetkerler sany aldaǵy tamyz aılarynda anyqtalady. Jeke menshik mektepterdiń ashylýy maýsym-shilde aılarynda belgili bolady, — dep habarlady basqarmadan.

Jalpy búgingi kúni qalada memlekettik menshiktegi 216 mektep jáne 131 jekemenshik mektep bar.

Odan bólek Almatynyń Bostandyq aýdany Asqarov kóshesiniń boıynda Ulttyq Abaı mektebi salynyp jatyr. Mektep 900 oqýshy ornyna arnalǵan jáne munda balalarǵa arnalǵan ınternat, oqytýshylar úıi, kitaphana, sport kesheni qarastyrylǵan. Ol da osy jyly ashylady dep josparlanyp otyr. 

Eske salaıyq, Ulttyq quryltaıdyń IV otyrysynda Prezıdent «Jaıly mektep» qurylysy máz emes ekenin aıtty.