Bıdaıdy jınaı almaı otyrmyz: Aıdarbek Saparov Aqmola oblysy dıqandarynyń shaǵymyn tyńdady
Aýyl sharýashylyǵy mınıstrliginiń málimetinshe, elimizdiń soltústik óńirleriniń arasyndaǵy kúzgi dala jumystarynyń eń tómen qarqyny osynda baıqalady. Aýa raıynyń qolaısyzdyǵyna baılanysty barlyǵy 834,3 myń ga astyq nemese jalpy alańnyń 17% - y jınaldy.
9 qyrkúıek, senbi kúni Aýyl sharýashylyǵy mınıstrliginiń basshysy oblystyń úsh aýdanyna bardy. Árqaısysynda agroqurylymdardyń basshylarymen ózekti máseleler talqylandy. Osy kúzde olardyń barlyǵynda másele birdeı. Eki aptadan astam jańbyrdyń saldarynan dıqandar bıdaıdy jınaı almaı otyr. Dıqandar astyqtyń sapasyz bolyp, kelesi jyly tuqymsyz qalatynyna alańdaýly. Olardy astyqty keptirý úshin áldeqaıda kóp otyn qajet etetin elevatorlardyń rentabeldiligi de alańdatady. Nesıelik mindettemeler men sýbsıdııalarda sharýalar úshin mańyzdy máseleniń biri bolyp tur.
Aıdarbek Saparov barlyq máseleler jedel sheshiletinin atap ótti.
«Memleket tarapynan qajetti qoldaý kórsetiletin bolady. Barlyq qarjy ınstıtýttary nesıelik mindettemelerdi uzartý múmkindigin jeke qarastyrady. Astyqty keptirýge arnalǵan dızel otynynyń baǵasy men qosymsha kólemine keletin bolsaq, basqa memlekettik organdarmen kelisý protsesi aıaqtalyp jatyr. Lıtsenzııalanǵan astyq qabyldaý kásiporyndary men keptirgishteri bar fermerler úshin mindetti túrde arzandatylǵan otyn beriledi», - dedi Aýyl sharýashylyǵy mınıstrliginiń basshysy agroqurylymdardyń basshylarymen kezdesýde.
Sharýalarmen kezdesýge qatysqan Aqmola oblysynyń ákimi Marat Ahmetjanov barlyq sharalar qabyldanatynyn aıtty. Onyń aıtýynsha, óńirde egin jınaý naýqanyn ótkizý máseleleri boıynsha oblys ákiminiń orynbasary bastaǵan komıssııa quryldy.
Aqmola oblysyna sapary qarsańynda aýyl sharýashylyǵy mınıstri jedel shtab otyrysyn ótkizip, birqatar tapsyrma berdi. Onyń ishinde astyq qabyldaý kásiporyndarynyń qyzmetteri baǵasynyń ósýinsiz táýlik boıy jumys isteýin, astyqtyń sandyq-sapalyq sıpattamalaryn esepke alý úshin aýmaqtyq ınspektsııalar men karantındik qyzmetterdiń táýlik boıy jumys isteýin qamtamasyz etý.
«Qazagroeks» AQ Azyq-túlik korporatsııasyndaǵy qolda bar astyq qoryn zerttep, onyń tuqym materıaly retinde paıdalanýǵa jaramdylyǵyn tekseredi. 2024 jyly sebiletin tuqymdar bólek saqtalady.
Oblys ákimdikteri sýbsıdııa alýǵa kelip túsken ótinishterdi qaraý úshin qosymsha mamandardy tartady.
Sharýalar arasynda týyndaıtyn suraqtar men máselelerdi jedel sheshý úshin Aýyl sharýashylyǵy mınıstriniń tapsyrmasymen jumys toby qurylyp, Qostanaı oblysyna bardy. Keıin ýákiletti organdardyń ókilderi Soltústik Qazaqstan men Aqmola óńirine barýǵa tıis.
Aýyl sharýashylyǵy mınıstrligi qabyldap jatqan sharalar qolaısyz aýa raıynyń saldaryn barynsha azaıtýǵa jáne qazaqstandyq sharýalardy qoldaýǵa múmkindik beredi.
9 qyrkúıektegi jedel málimetterge sáıkes, respýblıka boıynsha barlyǵy 5 mln gektar astyq jınaldy, bul jalpy egis alqabynyń 29,2%-y. Ortasha ónimdiligi 9,9 ts/ga bolǵan kezde 5 mln tonna astyq bastyryldy.
