Bıbisara Asaýbaeva Ózbekstandaǵy týrnırde qola júldeger atandy

ASTANA. KAZINFORM - Qazaqstandyq 21 jastaǵy grossmeıster Bıbisara Asaýbaeva Samarqanda ótken FIDE Grand Swiss týrnırinde qola júldeger atandy.

Qazaqstandyq sportshy bedeldi jarysty trıýmfpen aıaqtap, 3-oryn ıelendi. 

Bul — elimizdiń shahmatshy qyzdary úshin Grand Swiss týrnırindegi joǵary kórsetkishteriniń biri. Bıbisaranyń talanty men eńbeginiń aıqyn dáleli.

Ol 11 partııadan 7½ upaı jınap, $25 000 júlde qoryn ıelendi.

Sońǵy týrǵa deıin Bıbisara álemdik tájge úmitkerler týrnırine joldamany sarapqa saldy. Ol tek qazirgi chempıon Vaıshalı Rameshbabý (Úndistan) men eks-chempıon Ekaterına Lagnoǵa (FIDE) ǵana jol berdi.

Eske salsaq, budan buryn Úndistannyń Goa qalasynda shahmattan 21-30 shilde aralyǵynda ótken álem chempıonatynda qazaqstandyq para sportshylar 9 medal jeńip aldy.

Jarys qorytyndysy boıynsha klassıkalyq shahmattan Aıaýlym Qambarova, Baqytjan Maıkenov jáne Álimjan Aıapov qola medal ıelendi. Blıts oıyn túrinen Aıaýlym Qambarova men Baqytjan Maıkenov kúmis, al Serik Soltanov pen Álimjan Aıapov qola júlde ıelendi. Al rapıd boıynsha Aıaýlym Qambarova men Álimjan Aıapov ekinshi oryn aldy.