Bıbigúl Imanǵazına «Parasat» ordenimen marapattaldy

NUR-SULTAN. QazAqparat - «Bıbi-Ana» qaıyrymdylyq qoǵamynyń prezıdenti Bıbigúl Imanǵazına «Parasat» ordenimen marapattaldy, dep habarlaıdy Aqorda.

Almatyda Qazaqstan Respýblıkasynyń Memlekettik hatshysy Qyrymbek Kósherbaev Qazaqstannyń eńbek sińirgen qaıratkeri, «Bıbi-Ana» qaıyrymdylyq qoǵamynyń prezıdenti, belgili jazýshy Bıbigúl Imanǵazınaǵa «Parasat» ordenin tabys etti.

Bıbigúl Imanǵazına qoǵamda belgili «Taýqymet» atty romannyń jáne basqa da shyǵarmalardyń avtory, on jeti jasynda kenetten múgedek bolyp qalǵan ol shyǵarmashylyqpen birge múgedek analardy qoldaýmen aınalysýda.

1990 jyly múgedek analardyń respýblıkalyq «Bıbi Ana» qaıyrymdylyq qoǵamyn qurdy.

Qyrymbek Kósherbaev kórnekti jazýshy ári qoǵam qaıratkerine densaýlyq, shyǵarmashylyǵyna jáne qaıyrymdylyq qyzmetine tabys tiledi.