Bıbigúl Aqqojına Senat depýtaty retinde ant berdi

Búgin Senattyń jalpy otyrysynda Bıbigúl Aqqojına depýtat retinde ant berdi, dep habarlaıdy Kazinform.

«Qazaqstan halqyna adal qyzmet etýge, Qazaqstannyń tutastyǵy men táýelsizdigin nyǵaıtýǵa, onyń Konstıtýtsııasy men zańdaryna qatań baǵynýǵa, depýtattyń ózime júktelgen mártebeli mindetterin adal atqarýǵa ant etemin», – dedi B. Aqqojına.

Sonymen qatar, otyrys barysynda depýtat Ekonomıkalyq saıasat, ınnovatsııalyq damý jáne kásipkerlik komıteti quramyna saılandy.

Eske salsaq, 26 jeltoqsanda Ortalyq saılaý komıssııasynyń «Qostanaı oblysynan Parlament Senatynyń shyǵyp qalǵan depýtatynyń ornyna 2023 jylǵy 20 jeltoqsanda saılanǵan depýtatty tirkeý týraly» qaýlysyn qabyldaý boıynsha otyrysy ótti.

Osy oraıda Bıbigúl Búrkitqyzy Aqqojına Senat depýtaty retinde tirkeldi.

B. Búrkitqyzy 1971 jylǵy 20 qańtarda Qostanaı oblysynda dúnıege kelgen. Eńbek jolyn Qostanaı memlekettik ýnıversıtetinde psıhologııa oqytýshysy retinde bastady, joǵary bilimin de osy jerden aldy.

2021 jyly Nur Otan partııasy (qazirgi Amanat partııasy) Qostanaı oblystyq fılıaly tóraǵasynyń birinshi orynbasary qyzmetine taǵaıyndaldy. 2022 jyldyń jeltoqsan aıynan osy ýaqytqa deıin Amanat partııasy Qostanaı oblystyq fılıalynyń tóraıymy qyzmetinde boldy.