Bıatlonshy Vadım Kýrales ýnıversıada altyn júldesi jaıynda pikir bildirdi

ASTANA. QazAqparat – AQSh-tyń Leık-Plesıd qalasynda ótip jatqan 2023 jylǵy Qysqy Ýnıversıadada alǵashqy altyn júldesinen keıin qazaqstandyq bıatlonshy Vadım Kýrales pikir bildirdi, dep habarlaıdy QazAqparat tilshisi.

Aıta ketsek, 14 qańtarda qazaqstandyq bıatlonshy Vadım Kýrales 15 shaqyrym qashyqtyqta jekeleı synda máre syzyǵyn birinshi bolyp qıdy.

«Jarys barysynda nysana kózdeýge kóbirek kóńil bóldim. Keıbiri oılaǵandaı bolǵan joq. Bir márte nysanadan múlt kettim. Áli de jumys jasaıtyn kemshiligim bar. Sol baǵytta jumys jasaımyn. Alda elimiz úshin mańyzdy saıys bar. Naýryz aıynda Şýchınsk qalasynda jasóspirimder arasynda álem chempıonaty bolady. Soǵan daıyndyqty pysyqtaıtyn bolamyz. Qashanda kóp medal alýdy qalaısyń. Oǵan joramal jasaý múmkin emes. Jumys jasaýymyz jáne kúsh salýymyz qajet. Ol nátıjesin beredi», - dedi Vadım Kýrales.

Eske salsaq, dúbirli dodada elimizdiń atynan 78 sportshy baq synap jatyr.

Qysqy Ýnıversıada 22 qańtar kúni máresine jetedi.

Foto: olympic.kz