Bıatlonnan álem kýbogy: sprıntte kimder baq synaıdy

ASTANA. KAZINFORM – Búgin Oberhof qalasynda (Germanııa) bıatlonnan álem kýbogynyń kezeńi bastalady. 

Ulttyq olımpıada komıtetiniń málimetinshe, jarystyń alǵashqy kúninde sprınt saıysy ótedi. 

Erler arasynda Qazaqstan atynan Aleksandr Mýhın, Vladıslav Kıreev jáne Áset Dúısenov jarys jolyna shyǵady. Bastalýy – Astana ýaqytymen 15:30. 

Al áıelder arasynda Darıa Klımına, Aısha Rakısheva jáne Polına Egorova synǵa túsedi. Áıelder sprınti Astana ýaqytymen 18:15-te bastalady.

Eske sala keteıik, buǵan deıin balalar sportyn qarjylandyrý eki esege jýyq artatynyn habarlaǵan edik.