Bıatlonnan 2026 jylǵy Olımpıadaǵa qatysatyn ulttyq qurama tizimi belgili boldy
ASTANA. KAZINFORM – Qazaqstan bıatlonshylar odaǵy jattyqtyrýshylar shtabymen birlesip, aldaǵy Italııada ótetin qysqy Olımpıada oıyndarynda el namysyn qorǵaıtyn sportshylardyń tizimin resmı túrde bekitti.
Eske salaıyq, irikteý kezeńiniń qorytyndysy boıynsha ulttyq qurama tórt sportshydan (eki er, eki áıel) quralady.
Jattyqtyrýshylar keńesiniń sheshimimen Vladıslav Kıreev, Áset Dúısenov, Mılana Geneva jáne Aısha Rakısheva Olımpıadada Qazaqstan atynan synǵa túsetin boldy.
Federatsııanyń baspasóz qyzmetiniń habarlaýynsha, bul quram - ulttyq quramanyń tarıhyndaǵy eń jas komandalardyń biri. Sportshylar ortasha 24-25 jasta.
Qazirgi tańda qurama Chehııada oqý-jattyǵý jıynyna qatysyp jatyr jáne álem kýboginiń kezekti kezeńinde baq synaıdy. Bul týrnır Olımpıadaǵa daıyndyqtyń sońǵy kezeńi bolmaq. Odan keıin olımpıadalyq qurama Italııaǵa oqý-jattyǵý jıynyna attanady.
Aıta keteıik, 2026 jylǵy Olımpıada oıyndarynda bıatlon jarystary 8 aqpanda bastalady.
Olımpıada aldyndaǵy sońǵy álem kýbogi kezeńine qatysatyn qazaqstandyqtar anyqtaldy.