BI Group nesıe berý protsesin qalaı jeńildetpek
«Klıentterdiń qajettilikterin qanaǵattandyrýǵa jáne qazirgi zamanǵy tehnologııalarmen birge júrýge umtylatyn kompanııa retinde búgingi tańda adam úshin eń mańyzdy resýrs - ýaqyt ekenin jaqsy túsinemiz. Jáne biz BI Group jumysyn árbir klıenttiń tańdaýy, tólem sharttary men tásilderin usynatyndaı etip qurýdamyz», - dedi holdıngtiń basqarma tóraǵasy.
Onyń aıtýynsha, Astanada ıpotekalyq qaryz berý búgingi kúni, eger 2016 jylǵy derektermen salystyrsaq, 3 esege ósken. 2018 jyly holdıngke 10 000-ǵa jýyq klıent júgingen.
«Bul derekterdi taldap, biz qurylys kompanııalary men bankter aldynda ıpoteka máselesi ótkir tur degen qorytyndyǵa keldik. Osylaısha, klıentterimizge yńǵaıly bolý úshin BI Finance ıpoteka ortalyǵyn qurý týraly ortaq sheshimge keldik. Osy ortalyqty qurýdyń basty maqsaty - nesıe berý protsesin jeńildetý bolyp tabylady. BI Group-tan páter tańdaǵannan keıin, klıent BI Finance qyzmetkerimen birlesip, bank nemese memlekettik baǵdarlamalardyń biriniń talaptary men oǵan qolaıly sharttary bar nesıe berý baǵdarlamasyn tańdaıdy. Bizdiń kompanııanyń qyzmetkeri seriktes bankterdiń birinen qaryz alýdyń barlyq protsesinde klıentpen birge bolady», - dedi ol.
A.Omarovtyń aıtýynsha, endi klıentke bank keńselerine saýalnama toltyrý jáne qujattar toptamasyn resimdeý úshin barýdyń qajeti joq. Sondaı-aq, ótinimdi jedel qaraý jáne aqshany jedel berý - taǵy bir mańyzdy artyqshylyǵy.
«Birinshi kredıttik bıýromen (BKB) yntymaqtastyqtyń arqasynda biz ózdigimizshe, klıentterdiń kelisimimen JSN boıynsha BKB derekter bazasymen skorıng ótkizemiz, klıentterdiń bar boryshtyq júktemesi, olardyń kredıttik tarıhy jáne sheshim qabyldaý úshin qajetti ózge de derekter boıynsha aqparat alamyz», - dedi ol.
