BǴM: Inklıýzıvti bilim berý boıynsha zańnamalarǵa qandaı ózgerister engizildi
«Qazaqstan Respýblıkasynyń keıbir zańnamalyq aktilerine ınklıýzıvti bilim berý máseleleri boıynsha ózgerister men tolyqtyrýlar engizý týraly» Zańyn Senat pen Májilis depýtattary bastamashylyq jasaǵan.
«Atalǵan zań Múgedekterdiń quqyqtary týraly konventsııaǵa sáıkes erekshe bilim berilýine qajettiligi bar, onyń ishinde múgedektigi bar adamdardyń qoljetimdi bilim alýǵa quqyqtaryn kemsitýsiz jáne múmkindikter teńdigi negizinde iske asyrýǵa, sondaı-aq Memleket basshysynyń 2019 jylǵy 2 qyrkúıektegi Qazaqstan halqyna Joldaýyn oryndaýǵa baǵyttalǵan», delingen habarlamada.
Mınıstrliktiń málimetinshe, elimizde erekshe bilim berý qajettiligi bar 161 826 bala anyqtalǵan, onyń ishinde 58 myńnan astamy múgedek bala.
«Bilim berý, densaýlyq saqtaý, áleýmettik qorǵaý uıymdarynda, qoǵamdyq jáne jeke uıymdarda bilim berý baǵdarlamalary boıynsha oqytýmen, tárbıemen jáne túzetý-pedagogıkalyq qoldaýmen 155 814 bala qamtylǵan, bul 96,58% - dy quraıdy. Olardyń ishinde jalpy bilim berý uıymdarynda erekshe bilim berilýine qajettiligi bar balalardyń 40%-y ǵana ınklıýzıvti bilim alýda jáne tárbıelenýde.
Psıhologııalyq-pedagogıkalyq túzetý kabınetteri men ońaltý ortalyqtarynda túzetý-pedagogıkalyq qoldaýdy 42 836 bala (26,5%) alady», delingen habarlamada.
Vedomstvony mlimdeýinshe, ınklıýzıvti bilim berýge kóshý adam quqyqtary týraly halyqaralyq hattamalarmen jáne barlyq balalardyń teń qoljetimdilik pen sapaly bilim alýǵa quqyǵy bar ekenin jalpyǵa birdeı moıyndaýmen negizdelgen.
Zańda Qazaqstan Respýblıkasynyń «Bilim týraly», «Kemtar balalardy áleýmettik jáne medıtsınalyq-pedagogıkalyq túzeý arqyly qoldaý týraly», «Qazaqstan Respýblıkasyndaǵy Balanyń quqyqtary týraly» Zańdaryna ózgerister men tolyqtyrýlar engizý kózdelgen.
Zań mynadaı jańashyldyqtardy kózdeıdi:
- erekshe bilim berilýine qajettiligi bar adamdar sanatyn keńeıtý. Eger buryn bul sanatqa tek densaýlyǵyna baılanysty oqýda qıyndyqtarǵa tap bolǵan adamdar kirse, endi halyqaralyq normalarǵa sáıkes ártúrli ekonomıkalyq jáne áleýmettik jaǵdaılar boıynsha oqýy qıyn adamdar da qosyldy. Mysaly, mıgranttardyń balalary, áleýmettik osal otbasylardyń balalary jáne t. b.
-oqý protsesinde erekshe bilim berilýine qajettiligi bar balalardy psıhologııalyq-pedagogıkalyq qoldaý uǵymy engizildi, olar bilim berý salasyndaǵy ýákiletti organ ázirlegen qaǵıdalarmen aıqyndalatyn bolady;
- jan basyna shaqqandaǵy qarjylandyrýdy eskere otyryp, erekshe bilim berý qajettilikterin baǵalaý engizildi. Erekshe bilim berý qajettilikterin baǵalaýdy júrgizý qaǵıdalaryn bilim berý salasyndaǵy ýákiletti organ ázirleıdi jáne bekitedi;
- oqý josparlarynyń, baǵdarlamalarynyń ózgermeliligin, ıkemdiligin qamtamasyz etetin normalar engizildi. Bilim berý uıymdaryna erekshe bilim berilýine qajettiligi bar balalarǵa arnalǵan úlgilik oqý baǵdarlamalaryn olardyń damý deńgeıin eskere otyryp beıimdeý quqyǵy berildi;
-alǵash ret múmkindikteri shekteýli balalardy arnaıy psıhologııalyq-pedagogıkalyq qoldaýǵa memlekettik bilim berý tapsyrysy engiziledi, olardy jergilikti atqarýshy organdar jekemenshik uıymdarda ornalastyratyn bolady;
- bilim berý uıymyna qabyldaý erejelerin buzǵany jáne bilim berý uıymy jaǵdaıynda erekshe bilim berilýine qajettiligi bar balalardy tárbıeleý jáne oqytý úshin normatıvtik quqyqtyq aktilerde kózdelgen arnaıy sharttardy jasamaǵany úshin bilim berý uıymy basshysynyń jaýapkershiligi kúsheıtildi.
Sondaı-aq ınklıýzıvti bilim berý salasynda biryńǵaı tásilderdi qamtamasyz etýdiń mańyzdylyǵyn atap ótken jón. Negizgi ýákiletti organ Qazaqstan Respýblıkasy Bilim jáne ǵylym mınıstrligi bolyp tabylady. Budan basqa, erekshe bilim berilýine qajettiligi bar balalardy qoldaý máselelerimen QR Densaýlyq saqtaý, Eńbek jáne halyqty áleýmettik qorǵaý mınıstrlikteri aınalysady.
Zań jobasy sheńberinde vedomstvoaralyq ózara is-qımyl kózdelgen, óıtkeni ınklıýzıvti bilim berýdi iske asyrý ýákiletti bilim berý, densaýlyq saqtaý, eńbek jáne halyqty áleýmettik qorǵaý organdarynyń, jergilikti atqarýshy organdardyń jáne jurtshylyqtyń kelisilgen is-qımylyn talap etedi.
Inklıýzıvti bilim berýdi keshendi damytý úshin mınıstrlik arnaıy bilim berý uıymdary jelisiniń normatıvterin jetildirý bóliginde normatıvtik quqyqtyq bazany jetildirý jónindegi jumysty jalǵastyratyn bolady.
