Jańa jyl merekesi kezinde Beıjińge 8,8 mıllıonnan asa týrıst barǵan

ASTANA. KAZINFORM — Jańa jyl merekesi kezinde Beıjińge barǵan týrıster sany 8,808 mıllıon adamǵa jetip, qytaı astanasyna týrızmnen jalpy 10,97 mlrd ıýan (shamamen 1,56 mlrd AQSh dollary) kiris ákeldi. Bul týraly qalalyq Mádenıet jáne týrızm basqarmasy habarlady, dep jazady Sınhýa.

Bıylǵy jyly Jańa jyl merekesi 1 qańtardan 3 qańtarǵa deıin ótti. Merekelik kezeńde Beıjińde mádenıet jáne týrızm salasynda ártúrli keshendi is-sharalar uıymdastyryldy.

Óner salasyna qatysty derekterge sáıkes, eseptik kezeńde Beıjińde 275 kommertsııalyq qoıylym ótti, olar 200 myńnan astam kórermendi jınap, 76 mln ıýannan astam kassalyq tabys ákeldi.

Atalǵan basqarma merekelik kezeńde 70-ten astam basty is-sharany tańdady jáne Jańa jyl merekesine arnalǵan mádenı jáne týrıstik is-sharalar kartasyn shyǵaryp, qala turǵyndary men qonaqtaryna merekelik is-sharalardyń tolyq nusqaýlyǵyn usyndy.

Sonymen qatar, qaladaǵy jańa múmkindikterdi kórsetý úshin 30 taqyryptyq týrıstik marshrýt iske qosyldy. Beıjińdegi túrli deńgeıdegi mádenıet mekemeleri, onyń ishinde mádenı ortalyqtar men kitaphanalar, 395 mádenı-alańdyq is-shara uıymdastyryp, oǵan 340 myńnan astam adam qatysty.

Beıjińniń Saýda basqarmasynyń derekteri boıynsha, Jańa jyl merekesi kezinde qaladaǵy mańyzdy kásiporyndardyń — saýda úıleri, sýpermarketter, arnaıy bólshek dúkender, tamaqtaný oryndary jáne elektrondyq kommertsııa platformalarynyń jalpy satylym kólemi 4,04 mlrd ıýandy qurady.

Osydan buryn 2025 jyly Tesla elektromobılder satylymynda qytaılyq BYD-den artta qalǵanyn jazǵanbyz.