Beıjińde 3 qyrkúıekte Jeńistiń 80 jyldyǵyna oraı parad ótedi

ASTANA. KAZINFORM — 2025 jylǵy 3 qyrkúıekte Beıjińde Qytaı halqynyń japon basqynshylaryna qarsy soǵystaǵy Jeńisiniń jáne Dúnıejúzilik antıfashıstik soǵystaǵy Jeńistiń 80 jyldyǵyna arnalǵan áskerı parad ótedi.

Bul týraly Qytaı Halyq Respýblıkasynyń Memlekettik keńesiniń baspasóz máslıhatynda aıtyldy.

Xinhua agenttiginiń málimetinshe, áskerı paradqa jaıaý sherýler, áskerı tehnıka kolonnalary men áýe eshelondary qatysady.

Parad barysynda Qytaı jańa úlgidegi áskerı kúshterdi, sonyń ishinde zııatkerlik ushqyshsyz tehnıkany tanystyrady.

Qytaı Kommýnıstik partııasynyń Ortalyq komıtetiniń bas hatshysy Sı Tszınpın sóz sóıleıdi.

Buǵan deıin Qytaı Halyq Respýblıkasy Donald Tramptyń málimdemesine qatysty pikir bildirip, Beıjiń birjaqty sanktsııalarǵa qarsy ekenin alǵa tartty.