Beıjińde Naýryz merekesi ótti
Shanhaı yntymaqtastyq uıymynyń bas hatshysy Vladımır Norov quttyqtaý sózinde kóktemgi kún men túnniń teńesetin shaǵy – Naýryz meıramynyń úsh myń jyldan astam toılanyp kele jatqanyn atap ótti. Bul mereke órkendeý men ıgilikke, beıbit ómirge degen úmitti bildiredi.
Onyń aıtýynsha, naýryzdyń «jasampaz jáne biriktirýshi rýhy» «ShYU-nyń tabysty damýy úshin birlikti, tutastyqty jáne ómirsheń kúshti», sondaı-aq «elderimizde beıbitshilik pen ıgilikti» qamtamasyz etetin «Shanhaı rýhyna» saı keledi. Quttyqtaýǵa QHR-da tirkelgen ShYU múshe memleketterdiń elshileri qosyldy.
«ShYU otbasylary» halyqtarynyń ádemi áýenderi men áserli bıleri, Naýryz dastarhanyna qoıylǵan dástúrli túrli taǵamdar men aspazdyq taǵamdar kóktem merekesin jandandyryp jiberdi.
Qonaqtar ulttyq pavılondardy aralap, Shanhaı yntymaqtastyq uıymyna qatysýshy elderdiń ulttyq qolóner buıymdarymen tanysty.
Esterińizge sala keteıik, 2009 jyly Naýryz ıÝNESKO-nyń Adamzattyń materıaldyq emes mádenı murasynyń reprezentatıvti tizimine engizilgen bolatyn. 2010 jyly BUU Bas Assambleıasy 21 naýryzdy «Halyqaralyq Naýryz kúni» dep jarııalady.
