Beıjińde Maǵjan Jumabaevtyń 125 jyldyǵy atap ótildi

BEIJІŃ. QazAqparat - Beıjińde qazaqtyń aqıyq aqyny ári prozashy, aýdarmashy jáne pedagog Maǵjan Jumabaevtyń 125 jyldyǵyna oraı «Jalynmyn - men, janamyn...» atty dóńgelek ústel ótkizildi. Oǵan qytaılyq ǵalymdar men stýdentter qatysty, dep habarlaıdy Qytaıdaǵy «QazAqparat» HAA menshikti tilshisi.

Sondaı-aq is-sharaǵa Qytaı qoǵamdyq ǵylymdar akademııasynyń sarapshylary Qytaı ulttyq Ortalyq ýnıversıtetiniń oqytýshylary men stýdentteri, Beıjiń shet tilderi ýnıversıtetiniń janyndaǵy «Qazaqstan Ortalyǵy», QR Elshiliginiń dıplomattary jáne basqalar qatysty.

Qytaılyq stýdentter aqynnyń óleńderin qytaı jáne qazaq tilinde oqydy, al sarapshy lıngvıster Maǵjan Jumabaevtyń shyǵarmashylyǵy jóninde óz pikirlerin ortaǵa saldy.