Beısenbide kún qatty ysyp, 13 óńirde aptap bolady

ASTANA. KAZINFORM — Qazgıdromet sınoptıkteri 27 maýsym, beısenbige arnalǵan aýa raıy boljamyn jarııalady. 

Soltústik-batys tsıklony jáne onymen baılanysty atmosferalyq fronttar Qazaqstan aýmaǵy arqyly jyljyp, sonyń áserinen naızaǵaı oınap, jańbyr jaýady.

Eldiń batysynda, soltústik-batysynda qatty jańbyr bar. 

Tek shyǵysta, ortalyqta, Túrkistan, Pavlodar, Jetisý oblystarynda negizinen jaýyn-shashyn jaýmaıdy.

Respýblıka boıynsha jel kúsheıedi.

QR batysynda, soltústik-batysynda, soltústiginde daýyl soǵyp, burshaq jaýady.

Kúndiz Abaı, Jetisý, Ulytaý, Almaty, Aqmola, Pavlodar, Qaraǵandy, Jambyl, Shyǵys Qazaqstan, Qyzylorda, Túrkistan, Qostanaı oblysynyń ońtústiginde, Aqtóbe oblysynyń ońtústik-shyǵysynda aptap ystyq bolady. 

Almaty oblysynyń soltústiginde, ortalyǵynda, Jetisý oblysynda, Túrkistan, Qyzylorda, Shyǵys Qazaqstan oblystarynyń ońtústiginde, Ulytaý, Abaı oblystarynda, Jambyl oblysynyń batysynda, soltústiginde, shyǵysynda kún óte qatty ysıdy. 

Aqtóbe, Qaraǵandy, Pavlodar, Abaı, Jetisý, Ulytaý, Qostanaı, Aqmola, Shyǵys Qazaqstan, Mańǵystaý, Atyraý oblystarynda joǵary órt qaýpi saqtalady. 

Túrkistan, Jambyl, Qyzylorda, Almaty, Ulytaý, Mańǵystaý, Aqtóbe, Qostanaı, Qaraǵandy, Abaı, Jetisý, Atyraý oblystarynda tótenshe órt qaýpi bar.