Beırýtte «Hezbolla» shtabynyń basshysyn óltirdi

ASTANA. KAZINFORM – Beırýtte Irannan logıstıka men qarý-jaraq jetkizýge jaýapty bolǵan Sýhaıl Hýsseın Hýsceını óltirildi, dep habarlaıdy TASS aqparat agenttigi. 

Izraıl qorǵanys kúshteri Beırýttegi shııttik «Hezbolla» qozǵalysynyń shtab-páteri komandırleriniń birin joıǵanyn habarlady.

Armııanyń baspasóz qyzmetiniń habarlaýynsha, Izraıl áýe kúshteriniń dál soqqysy nátıjesinde «Hezbolla» shtabynyń qolbasshysy Sýhaıl Hýsseın Hýsseını qaza tapqan. 

Habarlamada aıtylǵandaı, ol Irannan logıstıka men qarý-jaraqtyń jetkizilýine, sondaı-aq «Hezbolla» bólimshelerine qarý-jaraq taratýǵa jaýapty bolǵan. 

5 qazanda «Hezbolla» bas hatshysynyń murageri Izraıldiń soqqysynan qaza tapty. Lıvannyń radıkaldy shııtter qozǵalysy «Hezbolla» óziniń jetekshisi Hasan Nasrallanyń Izraıldiń

Beırýtqa jasaǵan soqqysynan qaıtys bolǵanyn rastady. 

1 qazan kúni Izraıl armııasy Lıvannyń ońtústiginde qurlyq operatsııasy bastalǵanyn jarııalap, onyń maqsaty «Hezbolla» ınfraqurylymyn joıý dep atady. 

Buǵan deıin Irannyń rýhanı kósemi Aıatolla Álı Hameneı óz úıinde Ulttyq qaýipsizdik joǵary keńesiniń shuǵyl otyrysyn shaqyrǵany týraly jazǵan bolatynbyz. 

7 qazanda Palestınalyq HAMAS qarýly tobynyń kıbýtstar men Izraıldegi festıval qatysýshylaryna jasaǵan shabýylynan týyndaǵan Gaza sektoryndaǵy áskerı qaqtyǵystyń bastalǵanyna bir jyl boldy.