Beıneýde mas adam jedel járdem qyzmetkerlerine shabýyl jasady

ASTANA. KAZINFORM – Mańǵystaý oblysynda masań kúıde bolǵan er adam dárigerlerge shabýyl jasap, polıtsııa qyzmetkerin jaraqattady. Bul týraly Oblystyq polıtsııa departamentiniń baspasóz qyzmeti málim etti.

Oblystyq polıtsııa departamentiniń málimetine súıensek, Beıneý aýdanynda áıel adam jedel járdemge habarlasyp, tanysy urǵanyn, sol sátte óziniń qansyrap jatqanyn habarlaǵan. Ol munymen qoımaı, jedel járdem kelgen boıda arnaıy kóliktiń terezesin syndyryp, aq halattylarǵa shabýyl jasaǵan. Artynsha jetken polıtseıdiń denesine de zaqym keltirgen.

— Quqyq buzýshynyń mas kúıinde polıtsııaǵa qarsylyq kórsetkeni anyqtaldy. Tártip saqshysyna medıtsınalyq kómek kórsetildi. Saraptama taǵaıyndaldy. Qajetti keshendi tergeý áreketteri júrgizilip jatyr. Er adam ýaqytsha ustaý ızolıatoryna toǵytyldy, — dep habarlady polıtsııa departamenti.

Qazir sotqa deıingi tergeý bastaldy.