«Beıdoý» navıgatsııalyq júıesiniń sońǵy jerserigi ushyryldy

BEIJІŃ-SIChAN. QazAqparat – Seısenbi kúni Qytaı «Uly sapar-3B» zymyran-tasyǵyshynyń kómegimen «Beıdoý-3» jahandyq navıgatsııalyq júıesiniń sońǵy geostatsıonarlyq jerserigin ushyrdy. Mıssııa Qytaıdyń ońtústik-batysyndaǵy Sychýan provıntsııasynyń «Sıchan» ǵaryshaılaǵynda oryndaldy, dep habarlaıdy QazAqparat.

Ushyrylym seısenbi kúni Beıjiń ýaqytymen saǵat 09:43-te oryndalǵan.

Qytaı sońǵy jerserikti ushyrý arqyly jeke jahandyq navıgatsııalyq júıeni qalyptastyrýdy aıaqtap otyr.

Eske sala ketsek, Qytaıdyń «Beıdoý» navıgatsııa júıesi úsh kezeńde júzege asyryldy. 2000 jyly Qytaı aýmaǵyn qamtıtyn «Beıdoý-1» júıesiniń bir bóligi qalyptastyryldy, 2012 jyly Azııa-Tynyq muhıt aımaǵyn qamtıtyn «Beıdoý-2», 2020 jyly jahandyq navıgatsııalyq topty qamtıtyn «Beıdoý-3» qolǵa alyndy. «Beıdoý-3» júıesinde 30 jerserik bar, onyń 29-y Jer aınalasyna orbıtaǵa shyǵarylǵan.

«Beıdoý» qytaılyq klıentterge, sonyń ishinde azamattyq tulǵalar men áskerı qurylymdarǵa búkil álem boıynsha jeke navıgatsııalyq júıe qyzmetin paıdalanýǵa múmkindik beretin álemdegi tórtinshi iri jahandyq navıgatsııalyq júıe bolmaq.