«Beıdoý-3» navıgatsııalyq jerserigin ushyrý keıinge qaldyryldy

SIChAN. QazAqparat – Qytaıdyń «Sıchan» ǵarysh aılaǵynan «Beıdoý-3» úshinshi býyndaǵy navıgatsııalyq spýtnıgin ushyrý tehnıkalyq sebeptermen keıinge qaldyryldy, dep habarlaıdy «QazAqparat» menshikti tilshisi.

Spýtnıkti jermańy orbıtasyna shyǵarýy tıis bolǵan «Uly sapar-3B» zymyran-tasyǵyshyn start aldynda synaqtan ótkizý kezinde tehnıkalyq problemalar anyqtaldy. Ushyrý mıssııasy keıinge qaldyryldy.

«Beıdoý» navıgatsııalyq júıesiniń sońǵy jerserigi ushyrylatyn kúnnen keri esep bastalǵanyn Qytaıdyń spýtnıktik navıgatsııa júıeleri isi jónindegi keńseden ótken jeksenbi kúni málim etken bolatyn.

Spýtnıkti ushyrý ýaqyty seısenbi - 16 maýsym, Beıjiń ýaqytymen saǵat 10:11-den 10:50-ge deıin belgilengen edi.

Eske salaıyq, Qytaıdyń «Beıdoý» navıgatsııa júıesi úsh kezeńde júzege asyryldy. 2000 jyly Qytaı aýmaǵyn qamtıtyn «Beıdoý-1» júıesiniń bir bóligi qurastyryldy. 2012 jyly Azııa-Tynyq muhıty aımaǵyn qamtıtyn «Beıdoý-2», 2020 jyly jahandyq navıgatsııalyq topty qamtıtyn «Beıdoý-3» qolǵa alyndy. «Beıdoý-3» júıesinde 30 jerserik bar, onyń 29-y búginge deıin Jer aınalasyna orbıtaǵa shyǵaryldy.