Beıbit Juqaev alǵash ret juptyq synda chellendjer týrnıriniń chempıony atandy
ASTANA. KAZINFORM - Qazaqstandyq tennısshi Beıbit Juqaev juptyq synda Manama (Bahreın) chellendjer týrnıriniń jeńimpazy atandy.
Qazaqstandyq tennısshi ýkraınalyq Vıtalıı Sachkomen birge fınalda Belarýs ókili Ivan Lıýtarevıch - frantsııalyq Lıýka Sanchespen chempıondyq ataqty sarapqa saldy.
Qazaqstandyq ýkraınalyq jup 6:4, 6:0 esebimen jeńiske jetti.
Bir saǵatqa jetpeıtin ýaqyt ishinde ekeýi 4 eıspen birge 7 breık-poınttyń úsheýin múlt jibermedi. Lıýtarevıch - Sanches 2 eıspen shekteldi.
Osylaısha, Beıbit Juqaev alǵash ret juptyq synda chellendjer dodasynda úzdik shyqty. Buǵan deıin Beıbit Mysyr men Astanada juptyq synda ITF M25 jarysynda chempıon bolǵan.
Eske sala keteıik, budan buryn Jibek Qulambaevanyń Túrkııadaǵy týrnırdiń fınalynda ese jibergenin jazǵan bolatynbyz.
Mıhaıl Kýkýshkın Doha týrnıriniń irikteý saıysyn sátti bastady.