«Beıbit atom - zaman talaby» - baspasózge sholý
*** «Egemen Qazaqstan» gazetinde «Baǵdarlamany júzege asyrýǵa búkil óńirler qatysýy qajet» degen taqyryppen materıal berilgen. Elbasy Nursultan Nazarbaev oblys ákimderimen kezdesti. Kezdesýde Elbasy Qazaqstan halqyna Joldaýynda jarııa etilgen jańa ekonomıkalyq baǵdarlamany júzege asyrýǵa búkil óńirler qatysýy qajettigin aıtty. Nursultan Nazarbaev alǵa qoıylǵan barlyq mindetterdi júzege asyrý úshin oblys ákimderiniń bar múmkindikterin tıimdi paıdalanýy kerektigine nazar aýdardy. Sondaı-aq, ákimder Prezıdentke ózderi basqaryp otyrǵan óńirlerdiń áleýmettik-ekonomıkalyq damýy men negizgi memlekettik baǵdarlamalardyń júzege asyrylý barysy týraly baıandady. Jýyrda Prezıdentimiz Nursultan Nazarbaevtyń Ulytaý baýraıynda bolyp, onda «Habar» agenttiginiń jýrnalısine bergen suhbatynda el taǵdyryna baılanysty kóptegen máseleler qamtylǵany belgili. Bul ózi kóptegen baǵdarlamalyq sıpaty bar memlekettik qujattardan kem soqpaıtyn óte salıqaly áńgime boldy. El zııalylarynyń ony «ult uıasy Ulytaý tórindegi ulaǵat» dep aıtyp júrýlerinde tereń maǵyna bar. Osy taqyryptaǵy oı-tolǵaýdy gazet betinde «Mádenıet qaıratkeri» jáne «Qazaq tiliniń janashyry» qurmet tósbelgileriniń ıegeri, kókshetaýlyq Ǵosman Tóleǵul jalǵastyrǵan. Til máselesine oraı túıindi oılaryn bildirgen bul maqala «Sóz túzeldi, tyńdaýshy, sen de túzel...» degen taqyryppen berilgen. «Egemen Qazaqstan» gazetinde «Beıbit atom - zaman talaby» atty maqala jarııalandy. Kýrchatov qalasynda «Semeı synaq polıgony. Radıatsııalyq mura jáne damý keleshegi» taqyrybynda VI halyqaralyq konferentsııa ótti. Konferentsııaǵa Reseı, Grekııa, Ýkraına, Avstrııa, Chehııa, Ońtústik Koreıa elderinen ǵalymdar qatysty. Jıynda qazirgi kezdegi qorshaǵan ortanyń jaǵdaıy, radıatsııanyń tabıǵatqa keltiretin zııany qarastyryldy. Ǵalymdar men mamandar Semeı men Kapýstın ıAr synaq polıgondary aýmaǵyndaǵy ózgeristerdi basty nazarǵa aldy. - Biz Shaǵan ózeninde trıtıı bar ekenin, onyń qalaı paıda bolǵanyn jáne onyń jaıylmaýy úshin ne isteý kerektigin de zerttep, bildik, - deıdi Radıatsııalyq qaýipsizdik jáne ekologııa ınstıtýtynyń basshysy Sergeı Lýkashenko. - Budan buryn Semeı ıadrolyq polıgonynyń 3000 sharshy metr soltústik aýmaǵynyń zertteý nátıjeleri usynylsa, búgingi kúni bul shekaralar edáýir keńeıtildi. «Telkem» alańqaıymen shektesip jatqan «Balapan» aýmaǵyn qosa eseptegendegi 800 kılometrlik aýmaqty zertteý jumystary aıaqtaldy. Qazaqstandyq ǵalymdar sońǵy kezderi «Atom kóli» men «Opytnoe poledegi» radıatsııany tolyq tekserýde. Tolyq zertteýlerdiń nátıjesi boıynsha biz Semeı synaq polıgonynyń ońtústik-shyǵys bóligin aýyl sharýashylyǵyna qaıtarýdy jón sanadyq. Bul - Sarjal aýyly turǵyndarynyń baıaǵydan aıtyp kele jatqan tilegi. Birneshe ret Parlamentke, Úkimetke ótinish jasaldy. *** «Aıqyn» gazetinde Elbasy Nursultan Nazarbaevtyń «Nurly jol» - bolashaqqa bastar jol» Joldaýynyń tolyq mátini berilgen. «Búginde búkil álem jańa syndarmen jáne qaterlermen betpe-bet kelip otyr. Álemdik ekonomıka áli de jahandyq qarjy-ekonomıkalyq daǵdarys saldarynan aıyǵa qoıǵan joq. Qalpyna kelý óte baıaý jáne senimsiz qadamdarmen júrýde, al keıbir jerlerde áli quldyraý jalǵasýda. Geosaıası daǵdarys pen jetekshi derjavalardyń sanktsııalyq saıasaty álemdik ekonomıkany qalpyna keltirýde qosymsha kedergiler týyndatýda. Men ózimniń tájirıbemnen aldyn-ala sezip otyrǵanymdaı, taıaýdaǵy jyldar jahandyq synaqtardyń ýaqyty bolady. Álemniń búkil arhıtektýrasy ózgeredi. Barlyq elder osy kúrdeli kezeńnen laıyqty óte almaıdy. Bul shepten tek myqty memleketter, judyryqtaı jumylǵan halyqtar ǵana ótetin bolady. Qazaqstan álemdik ekonomıkanyń bir bólshegi jáne geosaıası qysymnyń epıtsentrine tikeleı jaqyn ornalasqan el retinde, barlyq osy úderisterdiń teris yqpalyna tap keledi. Nátıjesinde, ne bolyp jatqanyn biz kórip otyrmyz: álemdik naryqtarda baǵa quldyraýda jáne tutastaı alǵanda, ekonomıkalyq ósim baıaýlaýda»,-dedi Memleket basshysy óz Joldaýynda. Sonymen qatar osy basylymda Prezıdent Joldaýyna baılanysty birqatar qoǵam qaıratkerleriniń, ekonomıka salasy mamandarynyń, depýtattardyń, sarapshylardyń jáne túrli sala mamandarynyń pikirleri berilgen. - Elbasynyń búgingi «Nur Otan» partııasynyń Saıası keńesiniń keńeıtilgen otyrysynda aıtqandaryn jáne jańa Joldaýyn «daǵdarysqa qarsy baǵdarlama» dep baǵalaýǵa bolatyndaı. Prezıdent tapsyrmasyna sáıkes, endi Ulttyq qordan 3 jyl boıy - 2015-2017 jyldar aralyǵynda ekonomıkaǵa barlyǵy 9 mıllıard dollar qosymsha quıylady. Demek, el ekonomıka synyń «kúretamyry» sýalmaıdy, - deıdi Ulttyq bank tóraǵasy Qaırat Kelimbetov Elbasy Joldaýyna oraı gazetke bergen pikirinde. - Buǵan jyl saıynǵy trıllıondaǵan bıýdjettik qarjylardy qosyńyz. Sonymen birge respýblıkamyzǵa Dúnıejúzilik bank, Eýropalyq qaıta qurý jáne damý banki, Islam damý banki, Azııa damý banki sekildi halyq aralyq qarjylyq uıym dardyń da osy merzimde 9 mıllıard dollardan astam nesıe qarjysyn ákeletindigi týraly ýaǵdalastyq bar. Biz Memleket basshysynyń búgin jarııalaǵan sheshimderin qýanyshpen qarsy alyp otyrmyz. Qazaqstan Kóshbasshysy kezekti ret danalyq jáne kóregendik tanytty. Ol álemdik ekonomıka úshin kem degende 2-3 jyl óte kúrdeli bolatyndyǵyn eskertti. Bul rette Qazaqstannyń daǵdarys qa daıyn dalyp, kelesi damý belesine álsirep emes, tyń kúshpen kirýge múmkindigi bar. Jaǵdaıymyz jaman emes, elimizdiń 105 mıllıard dollardan astam halyqaralyq rezervi bar
*** «Ekspress-K» gazetinde «Pochetnaıa fılkına gramota» degen maqala basyldy. Aqmola oblysynda joǵary bilimi týraly jalǵan dıplommen memlekettik mekemeniń basshysy jumysqa ornalasqany anyqtaldy. 2005 jyly Aızada Tólegenova Tselınograd aýdandyq ákimdigine maman bolyp ornalasqan eken. Ol Ortalyq-Azııa ýnıversıtetindegi «zańgerlik» mamandyǵyn támamdaǵany týraly dıplomnyń kóshirmesin usynǵan. Ótken jyly ol konkýrs boıynsha jer qatynastary bóliminiń basshysy qyzmetine ótken eken.
