Berlınde 4 mln kılogramm kartop tegin taratylady

ASTANA. KAZINFORM — Mundaı aktsııany Berliner Morgenpost gazeti men berlındik Ecosia kompanııasy uıymdastyryp otyr. Olardyń málimetine qaraǵanda, tegin beriletin kartoptyń salmaǵy 800 eresek pilge teń. Bul týraly DW jazdy.

Osy kólemdegi kartoptan bıiktigi shamamen 350 metr bolatyn munara turǵyzýǵa jáne birneshe júz myń adamdy tamaqtandyrýǵa bolady. Qazirgi ýaqytta joǵarǵy suryptaǵy kartop Leıptsıg mańynda barlyq qajetti saqtaý sharttary qarastyrylǵan qoımada tur. Biraq ony eshkim satyp alǵysy kelmeıdi.

Sebebi bıyl Germanııada kartap sońǵy 25 jylda bolmaǵan aýqymda jınalǵyn. Ónim kólemsi 13 mln tonnadan asady, bul kópjyldyq orta kórsetkishten 17%-ǵa joǵary.

Osylaısha, naryqtaǵy usynys suranystan aıtarlyqtaı asyp ketkendikten, óndirýshiler satyp alýshy taba almaı, kartopty saqtaý kezinde shyǵynǵa ushyrap otyr. Saksonııadan kelgen bir fermer berlındikterge habarlasyp, kartopty astanaǵa ákelýdi usynǵan.

Aktsııa uıymdastyrýshylary kartopty kez kelgen nıet bildirgen adamǵa 1 tonnaǵa deıin berýge daıyn. Ony shirkeýler, mektepter, sport klýbtary, aýdandyq úıirmeler men sektsııalar, áleýmettik kómek uıymdary, tipti jeke tulǵalar da ala alady. Eń bastysy — kartop tek muqtaj adamdarǵa taratylmaq.

Aıta keteıik, Pavlodarlyq kartop tórt memleketke eksporttalyp jatqanyn jazdyq.

Al Qyrǵyzstan kartop ımportyna shekteý engizbek.