Berlın áýejaıynda barlyq reıs toqtatylady

ASTANA. KAZINFORM – DW basylymy ereýilge baılanysty Berlın áýejaıynda barlyq reıs toqtatylǵany jaıly jazdy.

Berlın-Brandenbýrg áýejaıynyń qyzmetkerleri 18 naýryzda ereýilge shyǵady, sonyń saldarynan 445 reıs toqtatylady. Bul shamamen 57 myń jolaýshyǵa áser etedi. Olarǵa bıletterdi qaıta resimdeý jáne saıahattyń balama nusqalaryn izdeý úshin áýekompanııalarǵa habarlasýǵa keńes beriledi.

- Buryn Verdi kásipodaǵy áýejaıdyń 2000-ǵa jýyq qyzmetkerin bir kúndik eskertilgen ereýilge shaqyrdy. Kásipodaq olardyń jalaqysyn alty paıyzǵa jáne aıyna keminde 250 eýroǵa kóterýdi talap etti, áýejaı basshylyǵy buǵan kelispeıdi, — dep atap ótti basylym.

Kásipodaqtyń habarlaýynsha, kelissózderdiń ekinshi raýndynda jumys berýshiler 2028 jyldyń sońyna deıin birneshe kezeńde jalaqyny kóterýdi usyndy. Jalpy alǵanda, bul jylyna jalaqy shamamen 1% ǵana ósedi.

Aıta keteıik, Air Astana naýryzdyń sońyna deıin Dýbaıǵa reısterdi toqtatady.