Bereke Bank-ti satý qanshalyqty tıimdi boldy
ASTANA. KAZINFORM — «Báıterek» holdıngi basqarma tóraǵasynyń birinshi orynbasary Nurbolat Aıdapkelov Bereke Bank-ti satý sharty elimiz úshin qanshalyqty tıimdi boldy degen suraqqa jaýap berdi.
«Árıne, bizge ony satýdan paıda tústi... Bas bankpen kelisimimiz bar jáne ózara esep aıyrysý aıasynda atalǵan kelisimshartty óz paıdamyzǵa qaraı jasadyq», - dedi N. Aıdapkelov.
Degenmen ol katarlyqtardyń sharttaryna qatysty naqty málimetti aıta almady.
«Kelisimshartqa qatysty resmı saýal joldaǵandaryńyz durys bolar. Dál qazir keıbir derekterdi umytyp, qate aıtýym múmkin. Sondyqtan holdıngtiń baspasóz qyzmeti naqty jaýap beredi», - dedi «Báıterek» ókili.
Eske salsaq, qatarlyq Lesha Bank «Báıterek» ulttyq basqarýshy holdınginen Bereke Bank-ti satyp aldy.
Kelisimge 2024 jylǵy 31 naýryzda qol qoıylǵan. Mámile somasy 65 mlrd teńgeni quraǵan.
«Báıterek» holdıngi 2022 jyldyń qyrkúıeginde «Sberbank Qazaqstan» kompanııasynyń ıesi boldy. Keıinirek Sberbank ataýy Bereke Vank bolyp ózgerdi.
