Berdimuhamedov qazaq jastaryn Túrikmenstanda bilim alýǵa shaqyrdy

ASTANA. QazAqparat - Búgin Aqordada ótken kelissózderden keıin Túrikmenstan prezıdenti Gýrbangýly Berdimuhmedov qazaq jastaryn óz elindegi joǵary oqý oryndarynda bilim alýǵa shaqyrdy, dep habarlaıdy QazAqparat tilshisi.

«Sizderdiń bilim berý máselesine basa nazar aýdaryp jatqandaryńyzdy bilemiz. Túrikmenniń biraz jastary Qazaqstannyń joǵary oqý oryndarynda bilim alyp júr. Sol úshin dán rızamyz. Biz de Qazaqstan jastaryn Túrikmenstannyń ýnıversıteterinde bilim alýǵa shaqyramyz», - dedi Berdimuhamedov. Sondaı-aq, ol Túrikmenstannyń Azııa oıyndaryn ótkizýge múdelli ekenin jetkizdi. Osy oraıda túrkimender qazaq halqynyń tájirıbesine qyzyǵýshylyq tanytyp otyr. 

Aıta keteıik, Túrikmenstan Prezıdenti Gýrbangýly Berdimuhamedovtiń Qazaqstanǵa jasaǵan  memlekettik sapary barysynda birqatar mańyzdy qujattarǵa qol qoıyldy.  QR Prezıdenti Nursultan Nazarbaev qazaq-túrikmen shekarasynda ken oryndaryn birlesip ıgerý máselesiniń de qaralǵanyn málimdedi .