Berdibek Saparbaev jambyldyqtarǵa úndeý joldady

TARAZ. QazAqparat - Jambyl oblysynyń ákimi Berdibek Saparbaev óńir tuǵyndaryna úndeý joldady, dep habarlaıdy QazAqparat.

***

Qurmetti jerlester!

Keshe Taraz qalasyndaǵy ortalyq alańǵa jınalǵan halyqtyń aldyna shyǵyp, sabyrlyqqa shaqyryp, zańsyzdyqqa boı aldyrmaýǵa, ortaq dıalogqa kelýge ótinish bildirgenmin.

Alaıda, ókinishke qaraı birneshe júzdegen jastar qaladaǵy basty kóshelermen júrip ótip, tártipsizdik pen zańsyzdyqqa, buzaqylyq áreketterge jol berdi.

Sonyń saldarynan 10-nan astam polıtsııa kóligi aýdarylyp, órtenip, oblys ákiminiń apparatynyń ǵımaraty, ortalyq aýmaqtaǵy (Atshabar) «Kaspıı bank» bólimshesi aıtarlyqtaı zardap shekti.

Zań, tártip saqtalý kerek!

Memleket múligine zııan keltirý, qoǵamdyq tártipti buzý - zańmen qýdalanady.

Bizdiń oıymyzsha, buzaqylyq sıpattaǵy júzdegen jastar qandaı da bir toptyń aıtaǵyna ergender.

Barshańyzdy arańdatýshylyqqa boı aldyrmaýǵa, iritki salýdan aýlaq bolýǵa shaqyramyn!

Qandaı da bir zańsyz áreketterdiń barlyǵy úshin jaýap beretindikterińizdi qatań eskertemin!