Berdibek Saparbaev: Aqtóbe oblysynda tarıf orynsyz óspeıdi
«Investorlar kəsiporyndardy basqarýdy óz qoldaryna alǵan kezde belgili bir quraldardy damytýǵa qarajat salý boıynsha ınvestıtsııalyq mindetterdi óz moıyndaryna alýy tıis. Alaıda, olar bul somalardyń barlyǵyn tarıfterge qosady. Osynyń saldarynan tarıfter 10-20 protsentke ósip jatyr. Biz óz sharttarymyzdy qoıýymyz kerek. Eger kásiporyndy alatyn bolsa, óz mindetterin tarıfterge tıispeı oryndaýlary qajet», - dedi B.Saparbaev QR Prezıdenti Joldaýyn talqylaý boıynsha aktıv otyrysy barysynda.
Sonymen qatar, ol memlekettik organdardyń basshylaryna tarıfterdiń nelikten orynsyz ósip jatqanyna taldaý jasaýdy tapsyrdy.
«Kelesi jyldan bastap tarıfterdiń orynsyz ósimi bolmaıdy. Investorlar tarıfterdi kótermeýleri tıis. Sondaı-aq, Aqtóbe qalasy PIK jumystaryn qaıta qaraý qajet. Olar tarıfterdi qanshaǵa kótergenin esepteý kerek. Úılerdi qamtamasyz etýge, PIK shtatyna qansha qarajat qajet?» - dedi ákim.
Sondaı-aq, B.Saparbaev Memleket basshysynyń Joldaýyndaǵy azamattardyń ómir súrý jaǵdaıyn jaqsartýǵa baǵyttalǵan negizgi erejeler týraly aıtty.
38 myń aqtóbeliktiń, sonyń ishinde bıýdjet salasynda jumys isteıtin 19 myń qyzmetkerdiń jalaqysy 28 myńnan 41 myń teńgege deıin ósirilmek. Osyǵan baılanysty ákim basqarmalardyń, uıymdar men kásiporyndardyń basshylaryna kelesi jyly eń tómengi jalaqyny ósirý úshin qor jınaqtaýdy tapsyrdy.
