Benzınniń qymbattaýy basqa qyzmetterdiń baǵasyna áser ete me
«Aktsızdi kóterý jónindegi buıryq áli kúshine engen joq. Qazir Ekonomıka mınıstrligi buıryqtyń jobasyn daıyndap, maquldaý úshin barlyq mınıstrlikke jiberdi. Maquldansa, buıryq 1 qańtardan bastap kúshine enedi. Ulttyq ekonomıka mınıstrliginiń boljamy boıynsha, bul ózgeris benzın baǵasynyń ósýine asa qatty áser etpeýi kerek. Baǵanyń mýltıplıkatıvtik áseri qalaı bolatynyn surap jatyrsyzdar. Benzın kommýnaldyq tólem nemese elektr jaryǵy úshin paıdalanylmaıdy. Suranys kóbinese dızel otynyna artady. Sondyqtan, elektr qýaty men kommýnaldyq tólemderdiń ósýine kóp áser etpeıtin shyǵar dep boljaımyz. Naqty jaýapty Ulttyq ekonomıka mınıstrliginen alǵan durys dep oılaımyn», - dedi vıtse-mınıstr.
Áset Maǵaýovqa «Benzın baǵasyn Energetıka mınıstrligi retteı me, álde Ulttyq ekonomıka mınıstrligi me?» degen suraq qoıyldy. Onyń jaýabyna sáıkes, benzın baǵasy keıingi úsh jylda rettelmeıdi.
«ıAǵnı, buryn munaı ónimderiniń shekti baǵasy rettelip otyratyn. Benzın baǵasy Úkimettiń tıisti qaýlysymen bekitiletin. Biraq, bul júıeden ketip, EAEO nemese basqa keńistikte naryqtyq qarym-qatynasqa kóshýdi kózdedik. Keıingi eki-úsh jylda benzın jáne dızel otynynyń baǵasy rettelmeıdi. Osydan 2-3 jyl buryn tapshylyq bolǵan kezde benzın baǵasy kóterilip ketken bolatyn. Ótken jyly, osy jyldyń basynda benzın artylyp, baǵa tómendedi. Demek, jalpy Qazaqstan naryqtyq qarym-qatynasty ustanýy tıis dep oılaımyz. Sol sebepti, qaı mınıstrlik benzın baǵasyn retteýge mindetti dep suraý salýdyń ózi durys emes. Bastysy, naryqta óndirýshiden bastap, sońǵy satýshyǵa deıingi qarym-qatynas, ózara jumys ashyq bolýy kerek», - dedi ol.
