Benzın baǵasy negizsiz ósýi yqtımal - Súleımenov

ASTANA. QazAqparat - 2017 jyldyń sońynda ınflıatsııalyq protsester kúsheıýi múmkin. Bul týraly búgin Úkimettiń selektorlyq rejımdegi otyrysynda elimizdiń Ulttyq ekonomıka mınıstri Tımýr Súleımenov málim etti dep habarlaıdy QazAqparat.

Aılyq ınflıatsııa 0,5 paıyzdan tómen bolǵan naýryzdan qyrkúıekke deıingi ınflıatsııanyń salystyrmaly turaqtylyǵyna qaramastan, aǵymdaǵy jyldyń sońyna deıin tómendegideı áleýetti qaýipterdiń aıasynda ınflıatsııalyq protsesterdiń kúsheıýi múmkin. Birinshiden, maýsymdyq faktorlady eskere otyryp jáne meıram qarsańyndaǵy kúnderdiń aıasynda 4-toqsanda dástúrge saı jemister men kókónisterdiń jáne aýyl sharýashylyǵy taýarlarynyń baǵasy ósedi», - dedi ol.

Onyń aıtýynsha, ekinshiden Pavlodar munaı-hımııa zaýytynda josparlanǵan jóndeý júrgizý jumystary  aıasynda benzınge baǵanyń negizsiz ósýi múmkin. Bul qalǵan tutynýshylyq taýarlar men qyzmetterdiń baǵasy men tarıfteriniń ósýine ákep soǵady.

«Úshinshiden, jylytý maýsymy kezeńinde birqatar óńirlerde qatty otynǵa baǵanyń kúrt ósýi baıqalady. Mysaly qyrkúıekte Astana qalasynda 19, Almaty oblysynda 16,4 jáne Aqmola oblysynda 10,6 paıyzǵa ósti. Sonymen birge, basqa óńirlerde osy taýarǵa baǵa salystyrmaly tómen bolyp qalýda», - dedi Tımýr Súleımenov.