Belgili jýrnalıst Vladımır Rerıh qaıtys boldy
ASTANA. KAZINFORM – Qazaqstandyq telejúrgizýshi, medıamenedjer, «Habar» agenttiginiń burynǵy basshysy Vladımır Rerıh 66 jasynda dúnıeden ozdy.
Bul habardy V. Rerıhtiń burynǵy jubaıy Dana Nurjigit Instagram jelisinde jazdy.
«Volodıa, Vladımır, Vladımır Ahmadıanovıch Rerıh búgin Berlınde dúnıeden ozdy. 1996 jyly 11 naýryzda tanysqan ózińmen 2000 jyldan 15 jyl otastyq. Uldy boldyq. Túsinispegen jerden men Qazaqstanda qalyp, sen Germanııaǵa kettiń. Biraq, sen meniń tulǵa bolyp qalyptasýyma, maman bolyp ósýime, ana bolyp bala tárbıesinde nege mán berý kerektigime zor yqpal ettiń, aqylshym, sapalylyq, danalyq, ar, kásibıliktiń bıik ólshemi boldyń. Parasatyń, bilimiń, sheshendik óneriń, zııalylyǵyń erekshe edi», - dep jazdy Dana Nurjigit.
Vladımır Rerıh 1958 jyly Taldyqorǵan qalasynda týǵan. 1987-1994 jyldary «Qazaqfılm» kınostýdııasynda rejısserdiń kómekshisi, kınohronıka redaktory, hronıkalyq fılmder stýdııasynyń kórkemdik jetekshisi bolǵan.
1996-2003 jyldary – «Habar» telearnasynda baǵdarlamalar dırektory, bas dırektordyń orynbasary, vıtse-prezıdent, bas dırektor boldy.
Ár ýaqytta jáne túrli telearnalarda «Maıdan», «Ne isteý kerek?», «Tulǵa formýlasy» derekti fılmderin túsirdi.
2005 jyly – «Asar-Qazaqstan» gazetiniń bas redaktory, 2006-2012 jyldary – Eýrazııa Medıaforýmynyń bas prodıýseri, oqytýshy bolyp qyzmet etken.
Sońǵy jyldary V. Rerıh Youtube platformasynda avtorlyq jobalar jasaýmen aınalysty.
View this post on Instagram
