Belgııa premeri otstavkaǵa ketti

ASTANA. KAZINFORM – Belgııanyń federaldy parlament saılaý barysynda «Open Vld» flamandyq partııasynyń nátıjeleri asa joǵary bolmady. Osyǵan baılanysty partııanyń lıderi, qazirgi is basyndaǵy premer-mınıstr Aleksandr De Kroo otstavkaǵa berý týraly sheshim qabyldady, dep habarlaıdy Kazinform agenttiginiń menshikti tilshisi.

Belgııada jeksenbi kúni federaldyq jáne óńirlik deńgeıdegi ókiletti organdardyń, ıaǵnı Eýroparlament saılaýy ótti.

Belgııada flamandyq bólik boıynsha Barta De Veveranyń «N-VA» (Jańa flamandyq Alıans) ulttyq partııasy jeńiske jetti.

«N-VA» jarǵysynyń baptarynyń biri táýelsiz Flandrııany qurýdy maqsat etedi. Kóshi-qonǵa qarsy eń shetki oń jaqtaǵy «Flaams Belang» partııasy «N-VA» partııasynan qalyp qoıdy. Olar aldyn ala jasalǵan boljamdaǵydaı emes, búkil Flandrııa boıynsha ultshyldarǵa jete almaı keledi. Premer-mınıstr A.Kroo-nyń «Open VLD» lıberaldy partııasy Belgııanyń soltústiginde upaıdan qaǵyldy (saılaý nátıjesi 10 paıyzdan tómen).

Vallonııada jergilikti sotsıalısterdiń tasy órge domalap keledi. Al Brıýseelde frantsýztildi lıberaldy «MR» partııasy jeńiske jetti.

Aleksandr De Kroo saılaý jeńimpazdary N-VA, «Flaams Belanga» jáne Belgııadaǵy frantsýztildi «MR» partııalarynyń jaqtastaryn quttyqtady.

«Biz úshin bul óte qıyn kesh boldy. Biz jeńilip qaldyq. Men erteń premer-mınıstr qyzmetinen ostavkaǵa ketemin. Alaıda lıberaldar áli de kúshinde. Biz qaıtyp oralamyz»,-dedi A.Kroo júrekjardy lebzinde.