Belgisiz bireýler mektepterdiń aınalasyna ýlanǵan táttiler tastap ketedi -feık

ASTANA. QazAqparat - Qaznette belgisiz bireýler mektepterdiń aınalasyna ýlanǵan táttiler shashyp júr degen feık aqparat taraýda. Bul týraly QazAqparat stopfake.kz saıtyna silteme jasap habarlaıdy.

StopFake.kz redaktsııasyna Qaznette taraǵan aqparatty tekserýdi surap, bir oqyrman habarlasty. Onda belgisiz bireýler mektepterdiń aınalasyna ýlanǵan kámpıtter men pecheneler shashylady delingen. Bul oıdan shyǵarylǵan jaǵdaı.

00

00:00

Ýlanǵan táttiler týraly habarlama – 2022 jyldyń qazan aıynyń basynda shyqqan reseılik feık.

Daýystyq habarlamada qaýipti kámpıtter Novoshahtınsk mektepteriniń janynan tabylǵandyǵy aıtylǵan. Bul – Reseıdegi qala. Habarlama avtorynyń aıtýynsha, bir kámpıtti bir ıt jep, ólgennen keıin, olardyń ýlanǵany anyqtaldy.
Shyndyǵynda, mundaı jaǵdaı bolmaǵan. Novoshahtınsk ákimshiliginiń habarlaýynsha, taratylǵan habarlama – feık jáne qalada mundaı oqıǵalar oryn almaǵan.
Habarlamanyń Qazaqstanǵa eshqandaı qatysy joq. Oǵan senbeńizder.