Belarýs turǵyndary prezıdent saılaýynda daýys berip jatyr

ASTANA. KAZINFORM - Merziminen buryn daýys berý 2025 jyldyń 21-25 qańtary aralyǵynda ótedi, dep jazady BELTA.

Bul kezeńde 26 qańtarda saılaý ýchaskelerine kele almaıtyn saılaýshylar daýys berýge quqyly. Merziminen buryn daýys berý kezinde ýchaskelik komıssııalar saǵat 12:00-den 19:00-ge deıin úzilissiz jumys isteıdi. El boıynsha 5325 saılaý ýchaskesi bar.

Daýys berýge arnalǵan bıýlletender belarýs tilinde jasalǵan. Daýys berý bıýlleteniniń artqy jaǵynda tústi qorǵanysy bar. Daýys berý qarsańynda ýchaskelik komıssııanyń keminde eki múshesi bıýlletenniń artqy jaǵyna qol qoıýy kerek. Mundaı qoldar bolmaǵan jaǵdaıda bıýlletender jaramsyz dep esepteledi.

Aıta keteıik, Belarýs Ortalyq saılaý komıssııasy Aleksandr Lýkashenkony prezıdenttikke kandıdat retinde tirkedi. Buǵan deıin Belarýs halqynyń 85,5 paıyzy prezıdent saılaýyna qatysýdy josparlap otyrǵany habarlanǵan bolatyn.

Osyǵan deıin QR Ortalyq saılaý komıssııasy Belarýs Respýblıkasynda ótetin prezıdent saılaýyn baqylaýǵa baratyn qazaqstandyqtardy ataǵan bolatyn.