Belarýste Táýelsiz memleketter dostastyǵynyń oıyndary ótedi

ASTANA. QazAqparat – TMD elderiniń oıyndary 2023 jyly Belarýs Respýblıkasynda ótedi. Bul týraly Belarýs Premer-mınıstriniń orynbasary Igor Petrıshenko aıtty, dep habarlaıdy QazAqparat tilshisi.

«Alǵashqy oıyndar 2021 jyly Qazanda sátti ótti. TMD elderiniń kelesi oıyny 2023 jyldyń 4 tamyzynda bastalyp, 14 tamyzda aıaqtalady», - dedi Igor Petrıshenko.

Osy oraıda ol Belarýs bul jarystardy uıymdastyrýǵa tolyq daıyn ekenin, barlyq qajetti sport ınfraqurylymy jasaqtalǵanyn aıtty.

«Oıyndardyń tujyrymdamasy aıasynda Belarýs óńirleriniń toǵyz qalasynda sporttyń 21 túrinen is-sharalar ótkizý josparlanǵan», - dedi Belarýs vıtse-premeri.

Budan buryn habarlanǵandaı, elordada TMD Úkimet basshylarynyń keńesi bastaldy.