Belarýs prezıdenti Ózbekstanǵa resmı saparmen barady

MINSK. KAZINFORM — Ózbekstan Respýblıkasynyń Prezıdenti Shavkat Mırzıeevtiń shaqyrýymen Belarýs Respýblıkasynyń Prezıdenti Aleksandr Lýkashenko 7-9 aqpanda resmı saparmen Ózbekstanda bolady, dep habarlaıdy Kazinform ÓR Prezıdentiniń baspasóz qyzmetine silteme jasap.

Sapar baǵdarlamasyna sáıkes Ózbekstan men Belarýs arasyndaǵy kópjaqty yntymaqtastyqty odan ári keńeıtýge baǵyttalǵan joǵary deńgeıdegi kelissózder ótkizý josparlanǵan.

Ózara taýar aınalymyn arttyrý, aýyl sharýashylyǵy, ónerkásip, farmatsevtıka, baılanys jáne basqa da salalardaǵy kooperatsııalyq baılanystardy damytý máseleleri basty nazarda bolady.

Sondaı-aq kásiptik bilim, densaýlyq saqtaý, mádenıet, sport jáne týrızm salalaryndaǵy seriktestikti damytý baǵdarlamalary talqylanady.