Belgııanyń port qalasynda ekijaqty kólik-tranzıttik yntymaqtastyq máseleleri talqylandy
Brıýgge býrgomıstri Dırk De Fomen kezdesý barysynda taraptar ekijaqty jáne óńiraralyq yntymaqtastyqtyń perspektıvalaryn talqylady. Belgııalyq qala basshysy Ortalyq Azııanyń keıbir elderinde bolǵynyn aıtty, osy oraıda Qazaqstannyń óńirlerin aralaýǵa qyzyǵýshylyq tanytty. Óńiraralyq yntymaqtastyqty damytý, sondaı-aq D.De Fonyń Qazaqstanǵa sapary barysynda qazaqstandyq áriptestermen kezdesýler uıymdastyrý týraly ýaǵdalastyqqa qol jetkizildi.
Sapar barysynda Belgııadaǵy ekinshi iri port jáne Eýropadaǵy eń iri logıstıkalyq habtardyń biri bolyp tabylatyn Belgııanyń Zebrıýgge portynyń basshylyǵymen bólek kezdesý ótti. Port jyl saıyn 50 mln. tonnadan astam ónim óndeıdi, onyń 20 paıyzy avtomobıl ındýstrııasyna keledi.
Júzdesý barysynda halyqaralyq kólik-tranzıttik dálizder tóńiregindegi qazirgi turaqsyz ahýal aıasynda odan ári yntymaqtastyq máseleleri talqylady. Qazaqstan Elshisi Qazaqstannyń port qyzmetkerleri úshin trenıngter uıymdastyrýdy jáne Aqtaý pen Quryq porttarymen yntymaqtastyq ornatýdy usyndy. Porttyń Bas dırektory Tom Haýtekıet Transkaspıı halyqaralyq kólik baǵdaryn damytý máselesine erekshe qyzyǵýshyq tanytty. Kólik-tranzıt máseleleri boıynsha turaqty aqparat almasý týraly ýaǵdalastyqqa qol jetkizildi.
Ekonomıkalyq dıplomatııany ilgeriletý aıasynda «Pattyn Group» belgııalyq kompanııasynyń Bas dırektory Sten Pattınmen, kompanııanyń satý jónindegi dırektory Karel Vandenslagermen jáne «Antagro» JShQ bas dırektory Loran Antoonspen kezdesý ótti. «Pattyn Group» qyzmetiniń negizgi baǵyty ónerkásiptik paıdalanýǵa arnalǵan ónimderdi býyp-túıýge, ólsheýge, toltyrýǵa nemese sanaýǵa arnalǵan avtomattandyrylǵan júıelerdi ázirleý bolyp tabylady. Búgingi kúni kompanııa óz ónimderin Almaty, Qaraǵandy, Shymkent qalalaryna jetkizip jatyr. Al 2021 jylǵy qarashada «Pattyn Group» ókilderi Belgııanyń AWEX ekonomıkalyq mıssııasynyń quramynda Nur-sultan men Almatyda saparmen boldy.
M.Baımuhan suhbattastardy Qazaqstandaǵy qaptama salasyndaǵy ahýalmen, sheteldik ınvestorlar úshin ınvestıtsııalyq jáne eksporttyq preferentsııalarmen tanystyrdy. Belgııalyq kompanııanyń QR naryǵynda bolý múmkindigin talqylaı otyryp, ol Qazaqstannyń aınalasyndaǵy óńirlik naryqtarǵa shyǵý perspektıvalary týraly aıtty. Taraptar jumys baılanystardy jalǵastyrýǵa jáne «Pattyn Group» kompanııasynyń Qazaqstandyq óndiristik kásiporyndarmen tikeleı baılanys ornatýyna qolǵabys kórsetýge ýaǵdalasty.
Zebrıýgge halyqaralyq teńiz porty 200-den astam halyqaralyq marshrýttarǵa jáne 30-dan astam kólik kompanııalaryna qyzmet kórsetedi. Zebrıýgge portynda Eýropadaǵy eń iri Suıytylǵan tabıǵı gaz termınaly ornalasqan, onda STG tıeý, túsirý jáne aralyq saqtaý júzege asyrylady. Portta balyq porty (Belgııadaǵy eń úlken), teńiz aılaǵy jáne Áskerı-teńiz bazasy bar.
« Pattyn Group « jappaı ónerkásiptik qaptamany óndiretin otbasylyq kásiporyn bolyp tabylady. Kompanııa 1952 jyly « Pattyn Packing Lines « retinde quryldy. Búginde « Pattyn Group « 8 bólimsheden turady. Kompanııa nan men kondıterlik ónimderdi óndirýge arnalǵan úsh ólshemdi keskini bar jeke ınnovatsııalyq jáne patenttelgen sanaý júıesine ıe. 2020 jyly kompanııanyń aınalymy 80 mln. eýrony qurady.
