«Bekire – 2024»: 454 keli bekire, 5 keli qaraýyldyryq tárkilendi

ATYRAÝ. KAZINFORM – Elimizdiń batystaǵy úsh oblysynda 1 sáýirden beri «Bekire – 2024» balyq qorǵaý aktsııasy ótip jatyr. Atyraýlyq polıtseıler quqyq buzýshylardan 454 keli bekire, 5 keli qaraýyldyryq tárkiledi. 

Atyraý oblystyq polıtsııa departamenti baspasóz qyzmetiniń málimetine súıensek, «Bekire – 2024» balyq qorǵaý aktsııasy 31 mamyrǵa deıin jalǵasady.

«Іs-sharaǵa baılanysty zańsyz balyq aýlaýdyń jolyn kesý úshin jyljymaly mobıldik toptar quryldy. Bul Erkinqala eldi mekeni arqyly Kaspıı teńizine shyǵa berisinde, Jaıyq ózeni boıyndaǵy «Peshnoı» aralynda, Erkinqala, Damby, Alǵabas eldi mekenina qatynaıtyn aınalma jolda avtokólik quraldarynyń qozǵalysyna baqylaý júrgizýdi qolǵa aldy. Osy kezge deıin zańsyz aınalymyna baılanysty 41 quqyq buzýshylyq anyqtaldy. Onyń ishinde qylmystyq quramynyń anyqtalýyna baılanysty 17 derekke qatysty sotqa deıingi tergeý júrip jatyr», - dep habarlady departamenttiń baspasóz qyzmeti.

Quqyq buzýshylardan 7 qaıyq, 8 avtokólik, aıǵaq zat 9 tor quraly alynǵan. Zańsyz aınalymnan 5 tonna 810 keli balyq ónimderi tárkilendi. Onyń ishinde 454 keli bekire tuqymdas balyq túrleri, baǵaly balyqtyń 5 keliden astam qaraýyldyryǵy bar.

Eske sala ketelik, buǵan deıin Atyraýda brakonerler 313 keli bekireni qamys arasyna jasyrǵanyn habarlaǵan edik.

Keıin atyraýlyq júrgizýshi 124,5 keli bekiremen ustalǵanyn jazǵan bolatynbyz.

Sondaı-aq, brakonerlerge «qamqorshylyq» kórsetetin laýazymdylar anyqtalýy múmkin ekenin habarladyq.