Bekbolat Tileýhan radıoda habar júrgize bastady

ASTANA. QazAqparat - Parlament Májilisiniń depýtaty, QR Ulttyq sport túrleri qaýymdastyǵynyń prezıdenti Bekbolat Tileýhan Qazaq radıosynda «Qońyr áńgime» atty habardy júrgize bastady.

Habar búginnen bastap efırge shyqty.

Bul týraly «Qazaq radıolary» JShS Bas dırektory Qurmanbek Jumaǵalı Feısbýktegi jeke paraqshasynda jazdy. Onyń aıtýynsha, atalǵan baǵdarlama Elbasynyń «Uly dalanyń jeti qyry» maqalasy aıasynda júrgizilip otyr.

«Ondaǵy maqsat ulttyq qundylyqtardy dáriptep, ǵasyrlar boıy qalyptasqan baı murany urpaq sanasyna sińirý. Qazaq radıosynyń efırine ár dúısenbi kúni saǵat 20:00-de shyǵatyn «Qońyr áńgime» habarynyń alǵashqy sany «Ulttyq kod» taqyrybyna arnalady. Habardyń júrgizýshisi Májilis depýtaty, QR Ulttyq sport túrleri qaýymdastyǵynyń prezıdenti Bekbolat Tileýhan», - dedi Q. Jumaǵalı.