BBC Nur-Sultan qalasyndaǵy tań shapaǵyn túsirdi

NUR-SULTAN. QazAqparat - Qazaqstannyń Aqparat jáne qoǵamdyq damý mınıstrligimen yntymaqtastyq aıasynda VVS elorda kúnine oraı shaǵyn beıne materıal túsirdi, dep habarlaıdy QazAqparat tilshisi.

«Búgin »Kúnniń shyǵýy« toptamasyndaǵy »Nur-Sultandaǵy tań shapaǵy« atty jańa jobamyzdy usynǵym keledi. Bizge senim artyp, Qazaqstannyń elordasyn mańyzdy tarıhı damý kezeńindegi táýliktiń eń ádemi sátin álemge usynýǵa múmkinshilik bergen tapsyrys berýshige rahmet aıtamyn. Úzdik kreatıvti sheshimder izdep túnimen uıyqtamaǵan rejısserge rahmet, qalanyń ártúrli núktesinen tań atýynyń ár sekýndyn taspalap qalýǵa tyrysyp, túnimen túsirilimge daıyndalǵandarǵa rahmet, brıtandyq DARS FILMS stýdııasynyń túnde uıyqtasa da kez kelgen erlikke daıyn bolǵan jáne keı ýaqytta erlikti jasaǵan postprodakshn, grafıka, jaryqty árleýshi, dybys rejısseri men júrgizýshisi komandasyna rahmet. Erteń Qazaqstan Respýblıkasynyń memlekettik meıramy - astana kúni. Meıramǵa syılyq jasaý qalypty dúnıe. Men Qazaqstandaǵy serikterimizdiń arqasynda júzege asyra alǵan beıne materıalymyz ádemi bolyp, qala úshin este qalarlyq syı bolarlyǵyna úmittenemin», - delingen taratylǵan aqparatta.